Roland TB-303

El Roland TB-303 Bass Line ye un sintetizador con un secuenciador integráu manufacturado por Roland Corporation en 1982 y 1983 que tuvo un papel definitivu nel desenvolvimientu de la música electrónica contemporánea.

El TB-303 (nomáu asina por "Baxu transistorizado", Transistorized Bass n'inglés) foi orixinalmente promocionáu escontra los guitarristes como un baxu d'acompañamientu pa cuando practicaren sólos. La producción del equipu duró aproximao 18 meses, resultando en namái 10,000 unidaes. El TB-303 ye consideráu como un oxetu de coleición na actualidá, algamando frecuentemente valores de 1000 a 2000 dólares. Nun foi sinón hasta mediaos y finales de la década de 1980 que los DJ y músicos electrónicos en Chicago atoparon un usu pa la máquina nel contestu del xéneru musical "house", qu'empezaba a desenvolvese.

"Acid Tracks" de Phuture ye consideráu como la primer grabación d'acid house n'incorporar los soníu prototípicos del TB-303. Grabaciones previes qu'incluyíen al TB-303 pueden remontase a la naciente escena electro, incluyendo a artistes como Ice T, Newcleus y Mantronix, según músicos pop como Heaven 17 y Section 25.

A principios de la década de 1990, ente qu'estilos nuevos de Acid apaecíen, el 303 foi frecuentemente aburuyáu, produciendo un soníu más aspru. Exemplos d'esta téunica inclúin el EP de Hardfloor de 1992 "Acperience" y el EP d'Interlect 3000 de 1993 "Volcano".

El bien conocíu soníu "acedu" ye típicamente producíu al reproducir un patrón de notes repetidamente nel TB-303, ente que s'alterien el corte de frecuencia del filtru, la resonancia, y l'envolvente de la modulación. El control d'acentu del TB-303 modifica'l volume de la nota, resonancia del filtru, y l'envolvente del filtru, dexando un más variaciones nel timbre. Un efeutu de distorsión, yá sía usando un pedal d'efeutos d'una guitarra o aburuyando la entrada d'una tabla d'amiestos, ye usada comúnmente pa da-y al TB-303 un timbre más trupu y ruidosu, pos el soníu resultante ye muncho más ricu armónicamente.

El diseñador en xefe del TB-303, Tadao Kikumoto, foi tamién el responsable de dirixir el diseñu de la caxa de ritmos TR-909.